| 1 | |
HStAOrient5a: 27v hazār yakī Cengizüñ // ḫurūcına yaʿlemu llāhu üç sebeb vardur. İkisi maʿnevī biri // ṣūrīdür. Maʿnevīnüñ birisi Nefeḥāt‑i Ünsde meẕkūrdur ki Şeyḫ // Mecdüddīn Baġdādī içün ḫalīfenüñ annesiyle muʿāmelesi // vardur dėyü iftirā ėdüb ḫalīfeye mestlik ḥālinde // ilqā ėderler. Bī‑[tekellüf ve] tevaqquf Şeyḫi Dicleye atdurur. Ve birisi daḫı bu // ola ki Sulṭān Muḥammed bin Tekiş dörtyüz biñ ʿasker ile Baġdāda qaṣd // ėdüb ḫalīfe emvāl ü emtiʿa ile Şeyḫ Şehābüddīn Sühreverdī // ṣulḥa gönderüb Sulṭān Muḥammed civānlıq cehliyle Şeyḫe iltifāt ėtmeyüb // belki anı ihānet ėtdi dėrler. Ol diyārda qar yaġmaq muʿtād degül // iken bir ʿaẓīm qar yaġub ḫaymelerin yıqub ol yaġı ʿasker // żarūrī Mā‑verāʾü n‑nehre ricʿat ėderler. Sebeb‑i ṣūrī bu // dur ki çün Sulṭān Muḥammed bu seferden dönüb taḥt‑gāhına vāṣıl // olur Cengizüñ Çīn cānibinden resūlleri gelüb tüccār‑i Çīn // ol diyāra varub [gelmege iẕn ṭaleb ėderler. Sulṭān iẕn vėrüb] baʿdehū tüccār‑i Çīn Enzār adlu ser‑ḥadde // gelürler. O ser‑ḥaddüñ meliki sulṭānuñ ibn‑i ḫāli olub // sulṭāna maḫfī ḫaber gönderüb ġamz ėder ki bunlar tüccār degül cāsūslardur. // Zīrā eks̱er metāʿları gümüş olmaġın bed‑baḫt ṭamʿ‑i ḫām ėdüb // āḫir sulṭānuñ sırren iẕniyle bāzırgānları qatl ėdüb mālların |